Novas

Verónica Fenda xogará en Estados Unidos durante o mes de xullo as finais da W-League co Bufallo Flash

FÚTBOL
Verónica Fenda (Santiago de Compostela, 1987) leva anos demostrando que é unha das grandes figuras da Superliga feminina española. O seu exquisito toque de balón, a visión de xogo que lle permite trazar liñas de pase imposibles e, sobre todo, a súa velocidade comezan a chamar a atención do fútbol mundial.
A liga de Estados Unidos, na que compiten as mellores xogadores do mundo, xa puxo os seus ollos sobre ela. A futbolista galega será o reforzo estrela durante o mes de xullo do Bufallo Flash, posiblemente o mellor equipo da W-League, a categoría que está xusto por baixo da Womens Soccer League, a competición máis atractiva do planeta. Vero será a referencia para intentar o ascenso.
Noticia completa

FOURCROSS
Eva Castro quedou sen diñeiro para seguir entre a elite do fourcross internacional. Por este motivo, a ciclista oleirense dirá adeus á Copa do Mundo este fin de semana, participando na proba de Fort William, unha das súas carreiras favoritas.
Desta forma, Eva Castro pon punto final á súa experiencia mundialista antes de que conclúa a competición, ao asegurar que non pode facer fronte aos desprazamentos ante a falta de axudas con que se está atopando.
Noticia completa

HOCKEY
Un ano logo de perder a máxima categoría, o Ourense regresa pola porta grande á elite do hockey herba feminino, a División de Honra. O equipo ourensán certificou coa súa goleada en Mariñamansa (9-0) sobre o pechacancelas Covadonga o seu retorno pola vía rápida á máxima categoría, asegurando con este triunfo a segunda praza que dá dereito a subir.
Noticia completa