Novas

BMX
Eva Castro compite esta fin de semana por primeira vez nunha bicicleta de bmx, na modalidade olímpica que axudarálle a preparar a Copa do Mundo de 4x.
Este fin de semana o campionato dispútase na localidade granadina de Almuñecar, onde Eva espera conseguir un bo resultado, a pesar de nunca correr nesta modalidade.

"É a miña primeira carreira de bmx, hai moito nivel entre as mozas, xa que están intentando coller prazas nas próximas olimpíadas, polo que competir contra elas non será fácil.Pero espero estar en posicións de podium, creo que pode ser posible. O bmx é moi parecido ao 4x, darame moita técnica e potencia para logo chegar a tope á Copa do Mundo, se é que a corro....."

Para disputar a tempada de bmx nacional Eva conta co apoio de empresas galegas como Gadis, Dalle Que Libras e Pixel Films e doutras nacionais como as bicicletas Redline, Power Balance, Race Face, Oakley, Suunto e Berlinches Designs. Aos cales está moi agradecida.

"Quero agradecer a estas empresas pola súa colaboración e por confíar en min que este ano está sendo moi duro atopar sponsors e espero devolverlles bos resultados e a maior publicidade posible".

Eva está facendo un tremendo esforzo este ano por competir, dado que a un mes escaso da primeira proba internacional non dispón de orzamento.

"Esta situación é desesperante, levo adestrando desde novembro e a dia de hoxe non se se poderei estar na Copa do Mundo. Hai dias que non logro ter a motivación necesaria para seguir adiante, é duro ter que adestrar  durante 7 dias da semana e non saber se correrei ou non".

VELA
Tamara Echegoyen Domínguez (Ourense, 1984) proclamouse este sábado campioa de España de Match Race, comandando o barco Mexillón de Galicia xunto á coruñesa Sofía Toro e a asturiana Ángela Pumariega.
Noticia completa

VOLEY-PRAIA
A monfortina Olaya Pazo formará parella con Alejandra Simón na liga Mundial de vóley-praia.

O deporte galego está de parabén. Galicia non só vai contar este ano con Alejandra Simón (Vigo, 1985) como única representante na selección española e na liga Mundial de vóley-praia, senón que desde esta semana acompañaraa Olaya Pazo (Caracas, 1983). Esta filla da emigración formará parella coa actual campioa dos Xogos do Mediterráneo. Xuntas serán unha das apostas máis decididas da federación española no camiño cara aos Xogos Olímpicos de Londres 2012.
Noticia completa